O‘ZBEKISTONDA JAHON TURIZM FORUMINI TASHKIL ETAMIZ

Zurab ABDUSHELISHVILI,
Gruziyaning O‘zbekistondagi Favqulodda va muxtor elchisi:

– Bugungi O‘zbekiston mutlaqo o‘zgargan. Islohotlar, rivojlanish surʼati yaqqol ko‘zga tashlanadi. Bu iqtisodiy, madaniy sohalardagi hamkorlikdan taʼlim, sport, turizmgacha ko‘plab yo‘nalishlarni qamrab oladi.

Ayniqsa, turizm sohasidagi hamkorlikni mustahkamlash imkoniyatlari juda keng. BMT Jahon sayyohlik tashkiloti Bosh kotibi lavozimida ishlayotgan Zurab Pololikashvili mening yurtdoshim va do‘stim. U bilan suhbatda O‘zbekiston bilan turizm sohasida o‘zaro manfaatli loyihalarni amalga oshirishga kelishib oldik. Jumladan, mamlakatingizda jahon turizm forumini tashkil etishni rejalashtirayapmiz. Bu tadbir kelgusidagi samarali hamkorligimiz yo‘nalishlarini belgilab beradi.