• О'zbek

Uzbekistan2030.uz

"TARAQQIYOT STRATEGIYASI"
  MARKAZI
Numan Kurtulmush
27197 | 22 Apr. 2025 y.

Numan Kurtulmush,
Turkiya Buyuk millat majlisi raisi:

– Mana shunday muhim va nufuzli xalqaro anjumanning Toshkentda boʻlib oʻtayotgani beqiyos ahamiyatga ega. Avvalo, buni Oʻzbekistonning soʻnggi yillarda turli sohalarda jadal surʼatlarda rivojlanib, xalqaro maydondagi nufuzining ortib borayotgani bilan izohlash mumkin, deb oʻylayman. Parlamentlararo ittifoq Assambleyasi kabi yirik va nufuzli xalqaro anjumanning aynan Oʻzbekiston zaminida oʻtkazilishi – mamlakatda ijtimoiy taraqqiyot, tinchlik va yanada adolatli dunyo qurishga intilish borasida kuchli siyosiy irodaning mavjudligini anglatadi. Assambleya doirasida oʻtayotgan muhokamalar, rasmiy tadbirlar va uchrashuvlar yuqori saviyada tashkil etilgani esa mamlakatning bu boradagi salohiyati va masʼuliyatini yana bir bor namoyon etmoqda.

Oʻzbekistonning bunday muhim xalqaro anjumanga mezbonlik qilayotgani, shubhasiz, uning kelajakda ham koʻplab global muloqotlar markaziga aylanishi uchun mustahkam zamin yaratadi. Bu esa davlatning xalqaro maydondagi mavqei va tanilishiga salmoqli hissa qoʻshadi. Chunki, yuzlab nufuzli mehmonlar — parlament rahbarlari, senatorlar, deputatlar ishtiroki, shuningdek tadbirning dunyoning koʻplab mamlakatlari ommaviy axborot vositalarida keng yoritilayotgani jarayonning ahamiyatini yanada oshirmoqda.

Manba: “Dunyo” AA

 

 


4
Похожие новости