KRISTIN LAGARDNING

Xalqaro valyuta fondining FARMOYISh BERUVChI DIREKTORI

“Men Siz va Sizning iqtisodiy jamoangiz tomonidan O‘zbekiston iqtisodiyotini isloh qilish borasida olib borayotgan sa’y-harakatlaringizni sidqidildan qutlayman. Islohotlarni amalga oshirish yo‘lida Siz qabul qilgan chora-tadbirlarni iqtisodiy siyosat masalalari bo‘yicha tavsiyalar 
va texnik yordam ko‘rsatish yo‘li bilan to‘la qo‘llab-quvvatlashga tayyor ekanimizni izhor etishga ijozat bergaysiz”.

STEFAN PRISNER

BMTNING O‘ZBEKISTONDAGI DOIMIY MUVOFIQLAShTIRUVChISI

“BMTning O‘zbekistondagi tuzilmalari mamlakatingizning yangi taraqqiyot dasturini to‘liq qo‘llab-quvvatlaydi. Harakatlar strategiyasida belgilangan chora-tadbirlar O‘zbekistonning bugungi rivojlanish bosqichida juda dolzarb sanaladi. Unda ma’muriy, sud-huquq, iqtisodiy islohotlar, ijtimoiy sohani rivojlantirish, shuningdek, yaqin qo‘shnichilik, do‘stlik va millatlararo bag‘rikenglik ruhida tashqi siyosat olib borish ko‘zda tutilgan. Unda belgilangan ko‘plab vazifalar BMTning 
2016‒2020 yillarga mo‘ljallangan Taraqqiyotga ko‘maklashuvchi doiraviy dasturiga muvofiq BMT tuzilmalarining mamlakatingiz bilan hamkorligining ustuvor yo‘nalishlariga hamohangdir”.

KRISTALINA GEORGIYEVA

Jahon banki bosh ijrochi direktori 

Jahon banki O'zbekistondagi faoliyatini salmoqli darajada kengaytirishga tayyor. Biz mamlakatda amalga oshirilayotgan islohotlar jiddiy ekaniga ishonamiz va ularni qo'llab-quvvatlashga tayyormiz. Dunyoda raqobatbardosh bo'lish oson emas, lekin xalq jipslashsa, siyosiy iroda va kelajakka ishonch bo'lsa, bunga erishish mumkin. Men O'zbekistonga jahonning eng ilg'or davlatlari orasida bo'lishini chin dildan tilayman.

ANTONIU GUTYERRISH

BMT bosh kotibi 

Men Sizning qo'shni mamlakatlar bilan hamkorlikni faollashtirish bo'yicha sa'y-harakatlaringizni to'la qo'llab-quvvatlayman. BMT umumiy maqsadlarimiz, shu jumladan barqaror rivojlanish maqsadlarini bajarish, mintaqaviy hamkorlikni mustahkamlash va preventiv diplomatiyani ilgari surish borasida Sizning hukumatingizga yordam berishga tayyor.

SUMA CHAKRABARTI

Yevropa tiklanish va taraqqiyot banki Prezidenti 

Bu strategiya har tomonlama, chuqur o'ylangan va juda istiqbolli. Uning qabul qilinishidan avval keng jamoatchilik tomonidan muhokama qilingani, mutaxassislarning fikrlari va takliflari hisobga olingani diqqatga sazovor. U “Xalq bilan muloqot va inson manfaatlari yili” Davlat dasturida belgilangan maqsadlar amalga oshirilishining yorqin namunasi hisoblanadi»

ZEYD RAAD AL-XUSEYN

BMTNING INSON HUQUQLARI BO‘YIChA OLIY KOMISSARI

“Prezident Shavkat Mirziyoyev tashabbusi bilan ishlab chiqilgan 
Harakatlar strategiyasi juda jiddiy va yorqin dastur, unda BMTning inson huquqlarini ta’minlashga qaratilgan g‘oyalari va islohotlari aks etgan. Biz Strategiyada ko‘zda tutilgan islohotlar uzoq muddatga mo‘ljallangan, ularni amalga oshirish uchun ma’lum bir muddat talab etiladi, deb hisoblaymiz, biroq eng asosiysi, jarayon boshlandi”.