Joriy yilgi “Ilm, fan va raqamli iqtisodiyotni rivojlantirish yili” Davlat dasturining 71-bandida «Yashirin iqtisodiyot»ning ulushini qisqartirish bo‘yicha bajariladigan ustuvor choralar belgilangan edi.
Vazirlar Mahkamasining 2020-yil 20-iyundagi “O‘zbekiston Respublikasida “Yashirin iqtisodiyot” ulushini qisqartirish chora-tadbirlari to‘g‘risida”gi qarori bilan mazkur band ijrosi taʼminlandi.
Ushbu qaror bilan “Yashirin iqtisodiyot ulushini qisqartirish chora-tadbirlarini amalga oshirish bo‘yicha 23 ta banddan iborat “Yo‘l xaritasi” tasdiqlanib, unda qator amaliy saʼy-harakatlarni amalga oshirish nazarda tutildi.
Jumladan, quyidagi ustuvor vazifalar hayotga joriy etiladi:
- iqtisodiyotda xufiyona aylanmani qisqartirishga qaratilgan tarkibiy o‘zgarishlarni amalga oshirish;
- iqtisodiyot sohalari va tarmoqlarida raqamli texnologiyalarni keng joriy etish va markirovkalash;
- iqtisodiyotda naqd pulsiz hisob-kitoblar hajmini oshirish;
- bank xizmatlarining ommabopligini oshirish;
- «yashirin iqtisodiyot» subyektlarini aniqlash mexanizmlarini takomillashtirish;
- tashqi savdoda «yashirin iqtisodiyot» ulushini qisqartirish bo‘yicha samarali tizimni joriy etish;
- «yashirin iqtisodiyot» ulushini qisqartirish bo‘yicha keng targ‘ibot-tashviqot ishlarini tashkil qilish.
Shuningdek, yil oxiriga qadar «yashirin iqtisodiyot»ni qisqartirishga qaratilgan quyidagi chora-tadbirlarni amalga oshirish ko‘zda tutilmoqda:
- Davlat soliq qo‘mitasi va uning hududiy bo‘linmalarida jismoniy shaxslarning daromadlarini deklaratsiya asosida soliqqa tortish bo‘limi, elektron savdoni soliqqa tortish bo‘limi, «yashirin iqtisodiyot»ni qisqartirish va xalqaro iqtisodiy integratsiya bo‘limi tashkil etiladi;
- Xalqaro tashkilotlar (Jahon banki, Xalqaro valyuta jamg‘armasi va boshqalar) ekspertlarini jalb qilgan holda, O‘zbekiston Respublikasining iqtisodiyotida «yashirin iqtisodiyot»ni baholash va hisoblash bo‘yicha tavsiyaviy uslubiy qo‘llanma ishlab chiqiladi;
- Baholash yakunlari bo‘yicha 2021 — 2023-yillarda «yashirin iqtisodiyot» ulushini qisqartirish va unga qarshi kurashishning taʼsirchan choralarini nazarda tutuvchi kompleks dastur ishlab chiqiladi;
- Barcha kadastr hujjatlari raqamlashtiriladi, milliy geoaxborot tizimini joriy etiladi;
- Yagona elektron bilet tizimi joriy etiladi;
- Aholi uchun isteʼmol kreditlari ajratish tartibi yana-da soddalashtiriladi va takomillashtiriladi;
- Barcha kadastr hujjatlari raqamlashtiriladi;
- “Humo” va “Uzcard” to‘lov tizimlarini integratsiyalashtiriladi;
- “QR” kod orqali amalga oshiriladigan to‘lovlarning ommabopligi oshiriladi va ko‘lami kengaytiriladi;
- Moliyaviy xizmatlar ko‘rsatuvchi muqobil tashkilotlar rivojlantiriladi, “Nobank kredit tashkilotlari to‘g‘risida”gi Qonun loyihasi ishlab chiqiladi.
“Taraqqiyot strategiyasi” markazi
Axborot xizmati
Joriy yilgi “Ilm, fan va raqamli iqtisodiyotni rivojlantirish yili” Davlat dasturining 71-bandida «Yashirin iqtisodiyot»ning ulushini qisqartirish bo‘yicha bajariladigan ustuvor choralar belgilangan edi.
Vazirlar Mahkamasining 2020-yil 20-iyundagi “O‘zbekiston Respublikasida “Yashirin iqtisodiyot” ulushini qisqartirish chora-tadbirlari to‘g‘risida”gi qarori bilan mazkur band ijrosi taʼminlandi.
Ushbu qaror bilan “Yashirin iqtisodiyot ulushini qisqartirish chora-tadbirlarini amalga oshirish bo‘yicha 23 ta banddan iborat “Yo‘l xaritasi” tasdiqlanib, unda qator amaliy saʼy-harakatlarni amalga oshirish nazarda tutildi.
Jumladan, quyidagi ustuvor vazifalar hayotga joriy etiladi:
Shuningdek, yil oxiriga qadar «yashirin iqtisodiyot»ni qisqartirishga qaratilgan quyidagi chora-tadbirlarni amalga oshirish ko‘zda tutilmoqda:
“Taraqqiyot strategiyasi” markazi
Axborot xizmati